Aurkitu zure izena
Primary tabs
Marigabon
XI-XVII. mendeetan azaltzen da Mari eta Gabon izenez osatutako hau. 1575ean Oñatin (G) Mari Gabon de Umerez y Otalora bataiatu zuten. Aldaera: Gabone.
Marigartzia
Behin baino gehiagotan aurkitzen dugu Marigartzia izena (Mari eta Gartzia) oikonimoen oinarrian, Aranon (N) adibidez (Marigarzia, 1726-1727).
Marigozo
Honen osagaiak Mari izena eta gozo, goxo adjektiboa dira. Pasaian (G) Maria goxo ageri da 1591n eta Marigozo 1679an.
Marimaite
Mari eta Maite-ren bat egitetik sortu den izena. Pasaian (G) 1720an Maria Maite ageri da; Luzaiden (N) bada Marimaitenea deritzan etxea. Baliokidea: Mariamada (gaz.).
Marinel
Lanbidea adierazten duen hitza ('itsasgizona'). Hizkuntza guztietan usaiakoa izan da jendea izendatzeko honelakoak erabiltzea, egungo deituretan ikus daitekeen moduan.
Marioitz
Honen osagaiak Mari eta Oitz Nafarroako herriaren izena dira. Iturengo (N) Marioitzena oikonimoaren oinarrian dago (1655etik aurrera).
Mariotsoa
Maria eta Otsoa gizon izena dira honen osagaiak. Irurtzunen (N) aurkitu dugu lehen aldiz, 1590ean (Maria osoa de eraso).
Marisantzeko
Mari eta Santz (Antso, Santso) gizon izenaren Santzeko hipokoristikoa dira honen osagaiak. Auritzen (N) ageri da, 1363an (Marisanceco).
Marittipi
Honen osagaiak Mari eta izen bereko beste ahizpa zaharrago(ar)engandik bereizteko balio duen ttipi 'txikia' adjektiboa dira.
Maritxalar
Irudi duenez Mari antroponimoa eta Etxalar herri izena (N) dira honen osagaiak. Marichalarrena oikonimoa Elbeten (N) agertzen da, 1726-1727an.
Maritza
Honen osagaiak Mari izena, -(e)(i)tz atzizki patronimikoa eta genero femeninoa adierazten duen -a bukaera dira. Ondarroan (B) 1495ean azaltzen da (Maryca d'Oma) eta Bergaran (G) 1502an (Mariza).
Mariurdin
Mari eta Urdin gizon izena dira honen osagaiak. Lehen aldiz Erbitin (N) ageri da, 1551n (Mari urdin de herbinea).
Marizuri
Honen osagaiak Mari ponte izena eta zuri adjektiboa dira. Lesakan (N) dokumentatzen da, 1609an (Mari çuri). Aldaera: Mariaxuri.
Markel
Sabino Aranak eta Koldo Elizaldek argitaratuko Santu Izendegia-n proposaturiko izena.
Markelin
Sabino Aranak eta Koldo Elizaldek argitaratuko Santu Izendegia-n proposaturiko izena.
Martitz
Latineko Mars, Martis gerraren jainkoaren izenetik sortua. Euskal Herriko mendebaldean gaur egun astearteari martitzena ('Martitz-en, Marte-ren eguna', irudi duenez) esaten zaio.
Martitza
Honen osagaiak Marti gizon izena, -(e)(i)tz atzizki patronimikoa eta genero femeninoa adierazten duen -a bukaera dira. Gipuzkoan azaltzen da, XVI. mendean (Martiza).