Aurkitu zure izena
Primary tabs
Gabon
Erdi Aroko euskal izena eta Eguberri egunean etxean sartzen zirenak agurtzeko ibiltzen zen hitza, gaur egun adiera zabaldu bada ere. Hastapenean Gabon (Eguberri) egunean sortzen zirenei ezartzen zitzaiela irudi du.
Gabone
Gabon izenaren emakumezkoen aldaera, Arana-Eleizalderen ildotik sortua. XVI-XVII. mendeetan Marigabon agertzen zaigu emakumezkoak izendatzeko .
Gadea
Agata izenaren aldaera. Arabatik oso gertu Santa Gadea herria dago (behiala Término deitua), zein Cid-en garaiko izen bereko zin egiteei esker baita ezaguna. Sopuertan (B) ere badago Santa Gadea deituriko auzoa, A. Trueba idazlearen bizitokia izana.
Gaila
Erdi Aroko izena. Ezagutzen dugun Gipuzkoako lehendabiziko jaunaren emaztea (Gartzia Aznar-ena) honela deitzen zen. 1025. urtean Gaila zeritzan andreak Ezkioagako sagasti bat eman zion Jakako monasterioari (Hu). 1183. urtean Dona Andregailla agertzen da, Iruñeko katedraleko artxiboan.
Gailo
Erdi Aroko izena; Leiren 1103an Gallo Ennecones dokumentatzen da. Emakumezkoen aldaerak Gaila eta Andregailla ziren.
Gaizka
Sabino Aranak eta Koldo Elizaldek argitaratuko Santu Izendegia-n proposaturiko izena. Aipatu liburuan bi izen ematen dira: Gaizka 'Kristo salbatzailea' eta Salbatore, azken honek Italiako santuari erreferentzia egiten diola. Jaieguna abuztuaren 6an da. Ikus Salbatore. Baliokideak: Salvador (gaz.) eta Sauveur(fr.).
Gaizkane
Sabino Aranak eta Koldo Elizaldek argitaratuko Santu Izendegia-n gaztelaniazko Salvador izenaren baliokide femeninotako ematen da.
Gaizko
Erdi Aroko euskal izena. Esaterako, Murun (N) 1167an ageri da eta Zuhatzun (N) 1196an.
Gallarda
Lizarrako (N) Andre Mariaren ermita. Portale baten ondoan zegoen, Altsasuko bidean, baina aspaldian desagertu zen.
Gamarra
Gasteizko herrixka eta Andre Mariaren adbokazioa. Ikusgarria da eliza barruan dagoen F. Gamarraren hobia, zeinetan hildakoa belauniko irudikatzen den. Jaia abuztuaren 15ean da. Kuadrila berean dagoen Gamarragutxiko eliza ere Andre Mariari eskainita dago eta jaia irailaren zortzian ospatzen da. Bigarren honetan aipatzekoa da XIII. mendeko atea.
Gamitza
Erdi Aroko izena; Obarran (Hu) agertzen da, 1018an: "Ego Gamiza signum".
Gamiz
1366an Zuñigan (N) agertzen den Erdi Aroko izena. Horretaz landara, Bizkaian eta Araban Gamiz izeneko bi herri daude. Jatorria latineko Gami izenean bilatu behar dela dirudi; bukaeraren nondikakoaz aditu guztiak ez daude ados. Emakumezkoen kidea Gamitza da.
Ganboa
Aralarko (G) mendia eta Arabako herria, ahaide nagusien familiarik handienetakoaren 3/4ganboatarren3/4 sorlekua izateagatik ezaguna.
Gar
Erromatarren garaiko Akitaniako idazkunetan (I-III. m.) agertzen den jainko izena (Garri deo). Kasu gehienetan Garre / Garri latindurik azaltzen zaigu. Izen arrunta ere bada.