Aurkitu zure izena
Primary tabs
Babesne
Andre Mariaren adbokazioa. Ama Birjina Elizaren ama denez gero, honen baitan babesa duten kristau guztiena ere bada. Beste batzuetan bezala, analogiaz -ne atzizkia erabiliz jendeak sortutako izena da, babes hitza oinarritzat hartuta. Jaieguna urriaren 30ean da.
Badaia
Arabako mendikatea. Bertan Badaia dorrearen zaharkinen gainean eraikitako santa Katalinaren monasterioa egon zen.
Baia
Arabako ugaldea, Gorbeian jaio eta Ebro ibaian ura isurtzen duena. Izena horrela agertzen da Kukullako Donemiliaga (Lo) monasterioko dokumentazioan, 956. urtean ("...et molino in rivo de Baia"). Badirudi izen honen oinarrian ibai edo *bai hidronimoa dagoela.
Baiakua
Ibargoitin (N) zegoen Andre Mariaren monasterioa. Lehendabiziko aipamena 991. urtekoa da, errege Gartzes II.ak eta honen arreba Tota-k Leireri eman ziotenekoa. Monasterioa desagertzean dermioa Idotzin eta Altzorritz herrien artean banatu zen.
Bakar
Hitz arrunta eta Sabino Aranak eta Koldo Elizaldek argitaratuko Santu Izendegia-n Bakarne izenarentzat proposaturiko baliokide maskulinoa. Gaur egun gizonezkoek horrelako izenak izatea bitxia den arren, XX. mendearen hasieran ohikoa zen. Ikus Bakarne emakume izenen zerrendan.
Bakarne
Ostiral Santuko Andre Mariaren adbokazio honek Semea hildakoan Amaren bakartasuna gogoratzen digu. Izena Sabino Aranak eta Koldo Elizaldek argitaratuko Santu Izendegia-n proposatu zen, oinarritzat bakar hartuta. Honen hipokoristikoa Bakartxo dugu.
Bake
Augustoren garaian hasi zen Erroman Bakea-ren alderako kultua. Vespasianoren denboran garrantzi handia izan zuen, hainbeste non epaile, bestal eta apaizek parte hartu behar baitzuten uztailaren 4an egiten zen jaian. Beranduago kristauek Bakearen Andre Maria izendatu zuten, jaia berenganatuz.
Bakene
S. Aranaren bideko -ne atzizkia erabiliz sortutako izena, oinarritzat bake harturik.
Baladi
Blas izenaren euskarazko aldaera da ("Jaun done Baladi / nik sua estali / edozein gaixto jin baladi / bortan bedi harri"). Sabino Aranak eta Koldo Elizaldek argitaratuko Santu Izendegia-n ere biltzen da, Blas-en baliokidetzat.
Baldasar
Sabino Aranak eta Koldo Elizaldek argitaratuko Santu Izendegia-n proposatutako izena.
Balere
Gens baten izena zen latineko Valeria-rentzat Sabino Aranak eta Koldo Elizaldek argitaratuko Santu Izendegia-n proposaturiko kidea. Honela deitzen zen I. mendeko santa bat, san Vidalen emazte eta Gervasio eta Protasio santuen ama izan zena, bai eta IV. mendeko Erromako printzesa bat ere. Jaieguna apirilaren 28an da.
Balerene
Sabino Aranak eta Koldo Elizaldek argitaratuko Santu Izendegia-n latineko Valeriana-rentzat proposaturiko baliokidea. Latineko izen hori Valerius 'osasuntsu' hitzetik edo Valeria leinu izenetik dator. Honen aldaera den Balene jendeak egindako laburtzea da.
Balkoe
Erdi Aroko euskal izena, Iruñean XIV. mendean ageri den Falcon-ekin hertsiki loturik dagoena. 1105ean Balcoe de la Torlegi azaltzen da Iruñeko katedraleko artxiboan.
Baltz
Erdi Aroko euskal izena. 1353an Baltza izeneko batek sinatu zuen bakea abendañotarrekin, Bilbon.
Barasorda
Gaur egun galdua den Andre Mariaren baseliza, Lemoizkoa (B). Honen kokagunean amaitu ez zen zentral nuklearra eraikitzen hasi ziren. Irudia herriko elizara eraman zuten.
Barazar
Gorbeiaren ondoko Bizkaiko mendatea eta Martin Uriarte bertsolariaren goitizena.
Barda
Fiteroko (N) Andre Mariaren adbokazioa. Kondairak dioenez, jatorrizko irudia Toledotik ekarri zuten, Fiteroko san Raimundori eskerrak emateko. Honenganako debozioa handia izan da beti, hainbeste non Antso VII. erregeak laguntza eskatu baitzion Navasko gudura joan aurretik. XIV.