Aurkitu zure izena
Primary tabs
Madalen
Madalen Busturiko
gauean gauean
errondean dabiltza
zure portalean
Ai Madalen Madalen
ai Madalen
Zure bila nenbilen
orain baino lehen
Hasi goiko kaletik
eta bekoraino
ez da ederragorik
Madalentxo baino
Ai Madalen Madalen
Madalen gaixo
Madalenek edaten du
edari gozoa.
Madari
Euskal Herrian arrunta den zuhaitza (Pyrus sp., 'udareondoa'). Fruituengatik normalena etxe ondoan izatea den arren, basoan ere ateratzen da, bere baitarik.
Maia
Alfontso erregeak Elgeta (G) hiria sortu zuen lekuaren izena eta Mendaro eta Mutrikuren arteko mendatearena. Elgetako parrokia Andre Mariari eskainia dago eta jaiak abuztuaren 15ean dira. Maya Baztango Amaiur (N) herriaren gaztelaniazko izena ere bada.
Maialen
Maddalen-en aldaera eta izen arrunta. Maialen Bizkaian maiatzaren lehenari deitzen zaio: "Maialen eguna, esne eguna". Tradizioaren arabera, egun honetan esnea edaten duenak ez du urte osoan buruko minik izango.
Maide
Gauez tximinietatik jaisten den izaki mitologikoa, laminen laguna dena. Zuberoan harrespilak (beste lekuetan 'jentil baratzak' deituak) egin omen zituzten. Oiartzunen (G) Maidezulo deritzan haitzuloa dago.
Maider
Honek bi iturri ditu: Mari eta Eder hitzen bat egitea lehenik, eta Zuberoan 'jentila' adieraz erabiltzen den izena gero.
Maiora
Ohiko izena Erdi Aroan; 1311n Erriberrin (N) agertzen da eta XVI. mendean Butroen (B). Aipatzekoa da Nafarroako Antso Nagusia erregearen emazteak izen hau hartu zuela ezkondutakoan.
Mairu
Erdi Aroko izena, latineko Maurus-etik sortua. Toponimian ere utzi du aztarna, Bizkaiko Maruri toponimo nagusian eta izen bereko Zallako dorrean ikus daitekeen gisa. Mitologiara ere igaro zen, 'jentila' adierarekin.
Maitagarri
Adjektibo ezaguna eta J. A. Xaho idazle zuberotarraren eskutik hedatu zen izaki mitologiko baten izena.
Maitasuna
'Amodioa' adiera duen izen arrunta. Maite-ren aldaeratzat har daiteke.
Maite
Euskal izen jatorra, oso erabilia eta zortziko bati esker mundu osoan ezaguna. Arrunt korapilatsua izan da izen honen bilakaera: berez maitea, maitatua adjektibotik dator, baina euskal izenak debekaturik egon ziren garaian usaiakoa zen haurrari Maria Teresa paratzea, gero Maite deitzeko.
Maiteder
Maite-ren eta Eder-en batzetik sortutako izena. Erramun Olabidek asmaturiko izena
Maitele
Subitzan (N) azaltzen da izen hau, 1267. urtean (Ioanne fillo de Maitele).
Maiu
Lurpean bizi den izaki mitologikoa, Mariren senarra. Beste izenak Sugar (xehetasun gehiago nahi izanez gero ikus sarrera hau) eta Sugoi dira.
Makatza
Basoko zuhaitz baten izena (Pyrus spp.), madari edo udarearen ahaidea.
Maldea
Erdi Aroko euskal izena. Kontrastan (A) eta Gipuzkoan agertzen da, azken honetan XI. mendean.