Aurkitu zure izena
Primary tabs
Bigila
Erdi Aroko izena. Uegila Alcacez XI. mendean agertzen da Iratxen (N).
Bihotza
Bihotz euskal izen arrunta da. Erromatarren garaiko Akitaniako idazkunetan (I-III. m.) antroponimotzat azaltzen da, bihox-, bihos- eran (Bihoxus, Bihoscinnis...). Aldaera: Sabino Aranak eta Koldo Elizaldek argitaratuko Santu Izendegia-ren ildotik sortutako Bihozne.
Bikarregi
Dima (B) herriko auzoa eta baseliza. Nahiz eta gaur egun Magdalenarea izan aitzina Andre Mariaren zen eta ahoz Andra Mari deitzen zaio. Amak bertara joaten ziren seme-alabentzako laguntza eskatzera. Horretarako arrosarioa bederatzi aldiz errezatu behar zen. Elizaren aterpean bada bolatoki bat. Jaia egunak abuztuan 15ean eta otsailaren 5ean dira.
Bikendi
Euskarazko Binkenti, Bikenti edo Bikendi latineko vincens 'garaile' hitzetik sortutako Vincentius izenetik dator. Kristauen artean arrakasta handia izan zuen, deabrua garaitu nahia adierazten zuelako.
Bikentzi
Sabino Aranak eta Koldo Elizaldek argitaratuko Santu Izendegia-n gaztelaniazko Vicencio-ren baliokidetzat proposatzen den izena.
Bikuña
Donemiliaga (A) udalerriko herria eta Andre Mariaren eliza. Jaia abuztuaren 15ean da.
Bilbañe
Sabino Aranak eta Koldo Elizaldek argitaratuko Santu Izendegia-n gaztelaniazko Circuncisión-en baliokidetzat proposaturiko izenetako bat dugu hau; bestea Billebañe da. Ekintza honen bidez juduek Jainkoarekiko hitzarmena ospatzen zuten.
Bilintx
Indalezio Bizkarrondo (Donostia, 1831 - 1876) bertsolari eta olerkariaren goitizena. Honen lanik ezagunena Behin batean Loiolan izenekoa da.
Bilitu
Erdi Aroko euskal izena. Adibidez Utergan (N) ageri da, 1235. urtean. Aurubilitu konposatuan ere aurkitzen dugu, Auru-ren aldamenean.
Biloria
Arabako eta Nafarroako bi herriren izena eta Andre Mariaren antzinako monasterioa.
Bingen
Sabino Aranak eta Koldo Elizaldek argitaratuko Santu Izendegia-n proposaturiko izena.
Birgara
Birgara izeneko bi herri daude Araban: Birgaragoien eta Birgarabarren. Azken honetako eliza Andre Mariari eskainita dago.
Birila
Kondairak dioenez, Leireko monasterioko abade zen san Birila iturri baten ondoan jarri omen zen une batez, oihanean, urretxindor baten txorrotxio zoragarriak liluraturik. Monasteriora itzuli zenean, ordea, dena aldaturik omen zegoen eta orduantxe ohartu omen zen hiru mende igaro zirela handik atera zenez geroztik. Jaieguna urriaren 1ean da.
Birkiñe
Birkiñe aldaerak sorburu Egutegi Bizkattarra-ko eta Sabino Aranak eta Koldo Elizaldek argitaratuko Santu Izendegia-ko testuetako Birkiña-n duela dirudi, bukaera beste izen batzuen arabera moldatu zaiola ematen badu ere. Honela diote aipatutako lan horiek: "Miren-ixena ezta azkentzen e'tan; baña olantxe itxi biarr dala uste dot, Ama Birkiñaren ixena dalako.
Bitaño
Izurtzako (B) auzo baten izena eta Nicolás Altzola Gerediaga (Izurtza, 1922 - Irun, 1982) idazlearen goitizena.
Bittor
Gaztelaniazko Víctor izenaren euskal hipokoristikoa da. Sabino Aranak eta Koldo Elizaldek argitaratuko Santu Izendegia-n ere biltzen da.
Bittoren
S. Aranak Victoriano izenaren baliokidetzat proposatzen du, Sabino Aranak eta Koldo Elizaldek argitaratuko Santu Izendegia-n.
Bizkargi
Bizkaiko mendia (564 m) eta Santiago Onaindia (Amoroto, 1909 - Gasteiz, 1996) idazlearen goitizena.