Aurkitu zure izena

Primary tabs

Denak
A
B
D
E
F
G
H
I
J
K
L
M (active tab)
N
O
P
R
S
T
U
V
X
Y
Z

Mesantza

Neska

Toponimoa da: Bai

Uda / Trebiñoko herria eta Andre Mariaren eliza balio handikoa. Bertan bada Pizkunde garaian margotutako erretaula. Jaia abuztuaren 15ean da.

Mesede

Neska

Toponimoa da: Ez

Andre Mariaren adbokazioa.

Donemillaga udalerriko herria (A) eta Andre Mariaren eliza. Herria Bordeletik Astorgara zihoan erromatar galtzadaren ondoan zegoen; inguruetako hondakin erromatarrak dira aspaldi izan zuen garrantziaren lekuko. Erdi Aroan ospitalea egon zen bertan. Jaia abuztuaren 15ean da. Inguruan bada Birjinestrada ('Birjinaren estrata') izeneko aurkintza.

Mikel

Mutila

Toponimoa da: Ez

Hebreerako Mikha'el ('nor Jainkoa bezala?') izena Michael bihurtu zen grezierako eta latineko itzulpenetan. Mikel goiaingerua deabruaren kontra borrokatu ziren aingeruen buru izan zen, eta Apokalipsian Eliza irudikatzen duen emakume erdi berriaren zaintzailea. Azkeneko judizioaren egunean arimak pisatzeko ardura izango du. VI.

Mikela

Neska

Toponimoa da: Ez

Hebreerako Mikha'el ('nor Jainkoa bezala?') izena Michael bihurtu zen grezierako eta latineko itzulpenetan. Mikel goiaingerua deabruaren kontra borrokatu ziren aingeruen buru izan zen, eta Apokalipsian Eliza irudikatzen duen emakume erdi berriaren zaintzailea ere bai. Azkeneko judizioaren egunean arimak pisatzeko ardura izango du. VI.

Mikelats

Mutila

Toponimoa da: Ez

Mariren semeetako bat dugu hau; bestea Atarrabi da. Euskal mitologian ekaitza eta harria bidaltzen ditu. Eskandinaviar mitologiako Thor jainkoak dituen antzeko ahalmenak ditu.

Mikeldi

Mutila

Toponimoa da: Ez

Bilboko Museo Historikoan gorderik dagoen Durangaldeko idolo (bertan irodu deitua) ospetsuaren izena. Burdin Aroko zezen edo hartza da, hanka artean eguzkia eta ilargia dauzkana. Litekeena da Ama Lurraren irudia izatea.

Mikele

Neska

Toponimoa da: Ez

Sabino Aranak eta Koldo Elizaldek argitaratuko Santu Izendegia-n gaztelaniazko Miguel-en baliokide femeninotzat ematen da, eta azken urteotan horrelaxe erabili da, baina XVII. mende arte gutxienez gizon izena zen. Lehen aldiz XIII. mendean aurkitu dugu, Iruñerrian (Miquele Iturriquo).

Mikeleitza

Neska

Toponimoa da: Ez

Mikelitza-ren aldaera da hau. Oñatin (G) agertzen da lehen aldiz, 1489an (Miqueleiza).

Mikelitza

Neska

Toponimoa da: Ez

Honen osagaiak Mikel(e) gizon izena, -(e)(i)tz atzizki patronimikoa eta genero femeninoa adierazten duen -a bukaera dira. 1581. urtean Miqueliza de Zañartu dokumentatzen da Oñatin (G). Aldaera: Mikeleitza. Baliokideak: Miguela (gaz.) eta Michelle (fr.).

Mirari

Neska

Toponimoa da: Ez

Mirari izen arrunta da euskaraz, mirakulu-ren adierakidea, eta azken urteotan arrakasta handia izan du antroponimotzat. Sabino Aranak eta Koldo Elizaldek argitaratuko Santu Izendegia-n gaur egun ezezaguna den Milarge proposatzen da (Nuestra Señora de los) Milagros-en baliokidetzat, eta orain maiz erabiltzen den Alazne (alatz 'mirari

Miren

Neska

Toponimoa da: Ez

Sabino Aranak eta Koldo Elizaldek argitaratuko Santu Izendegia-n agertzen diren emakume izenetan arrakasta gehien izan duenetako bat da hau. Aipatu liburuaren hitzaurrean esaten denez Miren izena ez da -e-z bukatzen, baina horrela utzi behar da, "Ama Birkiñaren ixena dalako".