Aurkitu zure izena

Primary tabs

Gasteiz

0
Neska
Toponimoa da: Bai

Arabako hiriburua eta Andre Mariaren eliza. Gartzia, Gartzea, Gartze-ren aldaera den Gaste(a) antroponimoaren eratorria da, jabegoa adierazten zuen -i(t)z atzizkiaren bidez. Azken honek latineko genitiboan du iturburu.

Gaston

0
Mutila
Toponimoa da: Ez

Erdi Aroko izena; lehendabizikoz Leiren aurkitzen dugu 1124an. 1417an Balmasedako (B) Gaston Aiala agertzen da banderizoen borroketan.

Gatzarrieta

0
Neska
Toponimoa da: Ez

Gatzarrietako Andre Mariaren baseliza Abadiñoko (B) Urkiola auzoan zegoen, galtzada zaharraren ondoan, Untzillatx mendiaren magalean, hainbeste argazki egin zaizkion baserriaren atzean. Ama erdi berriak joaten ziren bertara laguntza eskatzera. 1803an bota zuten. Osagaiak gatzarri izen arrunta eta -eta leku-ugaritasunezko atzizkia dira.

Gauargi

0
Mutila
Toponimoa da: Ez

Mitologiako pertsonaia. Gauez argi itxuran agertzen den izakia izendatzen du. Leku batzuetan Inguma-tik babesteko eskatzen zaio: Hi, aldiz, jin hakitalaGauargia.

Gaueko

0
Mutila
Toponimoa da: Ez

Gauez etxeetatik kanpo bizi den izaki mitologikoa, gauaren beraren irudikapena dena. Honek gauez etxetik landa egiten den lana zigortzen du, eta bereziki harrokeriagatik edo apustu egiteagatik etxetik irteten direnak. Ataunen (G) behin neska talde bat goruetan ari omen zen, eta haietako batek urrutiko iturri batetik ura ekarriko zuela esan omen zuen.

Gautegiz

0
Neska
Toponimoa da: Bai

Bizkaiko herria eta Andre Mariaren eliza. Bertan bada XIX. mendean Eugenia Montijok, Frantziako enperatrizak, X. mendean Antso Gartziak eraikitako dorre baten gainean goratu zuen gaztelu eder bat.

Gazeta

0
Neska
Toponimoa da: Ez

Andre Mariaren bi adbokazio daude izen honekin, bata Gasteizen eta bestea Elorrion (B). Gasteizko ermita desagertutako Gaz(a)eta herriko eliza zen; Elorriokoa Gazeta auzoan dago. Bigarren honetan abuztuaren lehenengo larunbatean ospatzen da kofrakideen festa. Errege egunean erromeria, idi probak eta jaia egiten dira

Gaztelu

0
Neska
Toponimoa da: Bai

Andre Mariaren bi adbokazio daude izen honekin: Burgikoa eta Erronkarikoa, biak Nafarroan. Hauetaz gainera Leinzko Dorletakoa (G) dugu (ikus Dorleta sarrera), Gaztelueta-koa ere deitu dena. Burgiko Andre Maria XIII. mendekoa da eta izena herriaren ondoan zegoen gaztelutik datorkio. Erronkarikoa XII. mendekoa da eta antzinako gazteluaren lekuan dago.

Gebara

0
Neska
Toponimoa da: Bai

Arabako herria eta Andre Mariaren adbokazioa. Hemengo jaunak garrantzizkoenetakoak izan ziren ahaide nagusien arteko gerletan, XV. mendean, ganboatarren buru baitziren. Karlistaldietan soldadu foruzaleek gaztelua babeslekutako erabili zuten. Donejakue bidearen ondoan dago eta badirudi Andre Mariaren baseliza bat izan zela bertan. Jaia abuztuaren 15ean egiten da.

Gendule

0
Mutila
Toponimoa da: Ez

Erdi Aroko euskal izena. Iruñerrian Guendule Sanz ageri da 1002. urtean. Nafarroako herri baten baino gehiagoren izena den Gendulain toponimoaren oinarrian dago. Erdarazko baliokidea Centol dela dirudi (Pascoal Çentol, Lizarra, 1366, Çentol Peres de Oria, Segura, 1453). Aldaera: Gindul.

Gentzane

0
Neska
Toponimoa da: Ez

Sabino Aranak eta Koldo Elizaldek argitaratuko Santu Izendegia-n gaztelaniazko Paz-en baliokidetzat ematen den izena.

Gentzen

0
Mutila
Toponimoa da: Ez

Sabino Aranak eta Koldo Elizaldek argitaratuko Santu Izendegia-n gaztelaniazko Genciano-ren baliokidetzat ematen da. Izen hau latineko Gentianus-etik atera da, eta hau Gentius-etik. Jaieguna abenduaren 11n da.

Gerbasi

0
Mutila
Toponimoa da: Ez

Sabino Aranak eta Koldo Elizaldek argitaratuko Santu Izendegia-n gaztelaniazko Gervasio-ren baliokidetzat ematen da. Germaniar jatorriko izena da, etimologia ilunekoa. San Gerbasio martiria III. mendean bizi izan zen Erroman, anaia Anbrosiorekin batean. Jaieguna ekainaren 19an da. Baliokideak: Gervasio (gaz.) eta Gervais (fr.).

Gereña

0
Neska
Toponimoa da: Bai

Arabako herria, Zalla ibaiaren ertzean dagoena. Aipurik zaharrena 1025. urtekoa da.

Gergori

0
Mutila
Toponimoa da: Ez

Gregorio izenaren aldaera. Iruñeko euskaldunek San Gregorioko dorreari Done Gergori esaten zioten. S. Aranak Sabino Aranak eta Koldo Elizaldek argitaratuko Santu Izendegia-n bildu zuen izen hau.

Gerinda

0
Neska
Toponimoa da: Bai

Orbaibar eta San Martin Unxen arteko mendia (N, 881 m), azken urteotan bertan ezarritako haize errotei esker ezaguna.

Gerizpe

0
Neska
Toponimoa da: Ez

Izen arrunta ('babeslekua', 'itzala'), duen adiera dela bide antroponimotzat erabilia. Europan usaiakoa da babesa adierazten duten hitzak Andre Mariarekin lotzea, kristau guztien Ama baita.

Gernika

0
Neska
Toponimoa da: Bai

Bizkaiko Foru Zaharrean Gernikako Antiguako Andre Mariaren eliza agertzen da, bertan egiten baitziren batzarrak eta foruen zin egozteak. Beste leku batzuetan bezala Antigua jatorrizkoari deitu zitzaion, hirigutuna lortzean Andre Mariaren eliza berria eraiki zutenean. Gernikako parrokia ere Andre Mariari eskainita dago. Jaia abuztuaren 15ean ospatzen da.

Gillarte

0
Neska
Toponimoa da: Bai

Kuartango (A) ibarreko herria eta Andre Mariaren eliza. Aski hondaturik dagoen egungo eliza 1735ean eraiki zuten, lehengoa ordezkatzeko, herritik urruti baitzegoen.

Giputzuri

0
Neska
Toponimoa da: Ez

Uribarri Jauregi herriko Andre Mariaren baseliza (Iruraiz-Gauna, A); gaur egun Santa Isabel esaten zaio behialako Giputzuri herri hustuko eliza zen honi. Hormetan baditu aztarna erromanikoak. Jaia iraileko bigarren larunbatean da.

Orriak