Aurkitu zure izena
Primary tabs
Lertsun
Hegazti baten (Ardea cinerea) eta zuhaitz baten (Populus tremula) izena. Zuhaitz hauen azaletan idazten eta marrazten zuten Estatu Batuetan bizi ziren artzain euskaldunek.
Leskarre
Biarnoko apezpikuaren egoitza, beste orduz. Orain Leskarre, Lescar frantsesez, Baionarekin bat eginik dago elizaz.
Leundia
Erdi Aroko izena. Iruñeko katedraleko artxiboan itxuraz Gorronzkoa (N) zen "Ego domina Leundia de Gorrauz" ageri da, 1141. urtean.
Lexoti
Jose Manuel Etxegoien (1865-1937) eta Jose Luis Lekuona (Oiartzun, 1925) bertsolarien izengoitia. Bigarren honen bertsoak Lexoti Bertsolaria liburuan daude bildurik.
Leza
Arabako Errioxako herria eta Andre Mariaren irudia. Guardiako museoan dagoen Lezako Ama Birjina erromanikoa da; honetaz gain badaude beste bi irudi: aski egoera txarrean dagoen bat, aipatutako irudi erromanikoaren XVI. mendeko kopia dela ematen duena, eta Arrosarioko Andre Mariarena.
Lezaeta
Larraun ibarreko herria (N) eta Andre Mariaren eliza. Bai eraikuntza eta bai irudia XII. mendearen amaierakoak bide dira. Jaieguna abuztuaren 15ean da.
Lezeta
Andre Mariaren baseliza, Uribarri Haranekoa (A), 1774an desagertua. Herri horretatik Iturretara zihoan bidean zegoen.
Leziza
Andimendiko gaina (1.350 m), Nafarroan. Lezizako ugaldea Ergoieneko ubiderik garrantzizkoenaren izena da.
Libe
Sabino Aranak eta Koldo Elizaldek argitaratuko Santu Izendegia-n gaztelaniazko Libia-ren baliokidetzat ematen den forma. Libia Afrikako herrialdea da, baina etorkiz izen mitologikoa dugu, Epafo eta Menfisen alaba eta Poseidonen emaztea izan baitzen. Erromatar inperioan Libia eta Libio aski ponte izen usuak izan ziren. Jaieguna ekainaren 15ean ospatzen da.
Liboa
Liboa auzoko Andre Mariaren baselizari Jainko esaten diote, Arrietan (B). Iturritza historialariak antzinako parrokia zela dio. XIX. mendera arte irudia herriz herri eramaten zuten, izurriei aurre egiteko, bai eta lehorte garaian ere, euria eskatzeko. Jaia irailaren 8an, 9an eta 10ean da. Uztailaren 31n, Loiolako san Ignazio egunean, irudia Gaztelugatxeko Done Joanera eramaten da.
Lide
Sabino Aranak eta Koldo Elizaldek argitaratuko Santu Izendegia-n gaztelaniazko Lidia izenarentzat ematen den euskal baliokidea.
Lier
Mutiloa (G) herrian dagoen Liernia-ko Andre Mariari zor zaio gizon izen hau.
Liernia
Mutiloa (G) herriko Andre Mariaren baseliza. Hona haurrik gabeko bikoteak eta esnerik ez duten amak etortzen dira laguntza eske. Haur jaio berriak ere eramaten zaizkio, babesa eman diezaien. Jaia irailaren 8an egiten da.
Ligi
Atharratzeko (Z) kantonamenduko herria, frantsesez Licq deitua. Honen lehen aipamena 1386koa da.
Liginaga
Atharratzeko (Z) kantonamenduko herria eta Andre Mariaren adbokazioa. Herriaren lehengo aipamena 1080. urtekoa da. Daitekeena da Aimeric Picaud-ek XIII mendean eginiko liburuan aipatzen duen Arnaldus de Guinia bertakoa izatea. Elizaren absidea erromanikoa da. 1327an Eneko izeneko gizon bat bizi zen herrian.
Orriak
- « lehenengoa
- ‹ aurrekoa
- 1
- 2
- 3
- 4
- 5
- 6
- hur ›
- azkena »