Aurkitu zure izena
Primary tabs
Emille
Sabino Aranak eta Koldo Elizaldek argitaratuko Santu Izendegia-n gaztelaniazko Emilio-ren baliokide femeninotzat ematen den izena.
Emillene
Sabino Aranak eta Koldo Elizaldek argitaratuko Santu Izendegia-n gaztelaniazko Emiliano, Millán-entzat ematen den euskal baliokide femeninoa.
Enbeita
Ajangiz (B) herriko Andre Mariaren baseliza eta Kepa Enbeita "Urretxindorra" bizkaitar bertsolari ospetsuaren deitura.
Endaitz
Eusebio Erkiaga (Lekeitio, 1912 - Bilbo, 1993) idazle eta euskaltzain osoaren goitizena.
Eneabe
Mendi baten eta Gorbeiatik Legutianora (A) doan errekaren izena. Azken honi hondarreko urteotan Santa Engrazia esan izan zaio.
Enedina
Erdi Aroko izena, Nafarroan dokumentatua. Honela zeritzan andrea Sakanan bizi izan omen zen, eta, esaten dutenez, inguruetako ederrena zen.
Eneka
Erdi Aroko Oneka euskal izenaren aldaera. Iruñeko Orti Gartzeitz (882-905) printzearen eta Auriaren alaba bakarra honela deitzen zen. 1096an Eneca Azenari agertzen da erresuma zaharreko hiriburuan. Aldaerak: Nekoitza eta Oneka.
Eneko
Ohiko euskal izena Erdi Aroan. 842. urtean Iruñeko lehen errege izan zen Eneco-k Esa herria eman zion Leireko monasterioari ("Ego rex Eneco concedo..."). Jakitunen artean adostasun zabala dago euskal izentzat jotzean; osagaiak ene 'nirea' eta -ko atzizki hipokoristikoa dirateke, eta jatorrizko adiera 'enetxoa' edo.
Eneritz
Itzarbeibarko (N) herria eta Andre Mariaren adbokazioa. Lehenaren aurreneko aipamenak XII. mendekoak dira. Ama Birjinaren irudia Santo Domingo izeneko baselizan dago. Jaieguna irailaren 8an da.
Entzia
Nafarroako eta Arabako mendi ezaguna. Lehenean Entzía ebakitzen da eta bigarrenean Éntzia.
Erdain
XX. mendearen hasieraz geroztik erabiltzen den izena ('zirkuntzisioa'). Zirkuntsizioak juduen eta Jainkoaren arteko hitzarmena omentzen du.
Erdaiñe
XX. mendearen hasieraz geroztik erabiltzen den izena ('zirkuntzisioa'). Zirkuntsizioak juduen eta Jainkoaren arteko hitzarmena omentzen du. Aldaera: Bilbañe (Sabino Aranak eta Koldo Elizaldek argitaratuko Santu Izendegia). Baliokidea: Circuncisión (gaz.).
Erdiñe
Erdi 'umea izan' aditza eta -ñe atzizki femenino berria erabiliz sortutako izena.
Erdoitza
Izurtzako (B) Bitaño auzoko Andre Mariaren baseliza. Honen ondoko hilerrian hilobi batzuk aurkitu zituzten, latineko izen bakan zenbait idatzirik zituztenak. Batean Ahoztar euskal izen zaharra ageri zen. Jaia irailaren 8an da. Nafarroan ere, Ameskoan, bazen Erdoitza zeritzan herria, 1067an errege Antso Peñalengoak Iratxeko monasterioari oparitu ziona.