Aurkitu zure izena

Primary tabs

Orreaga

0
Neska
Toponimoa da: Bai

Andre Mariaren adbokazioa, komentua eta Donejakue bideko lekurik ezagunenetakoa. Debozio handia izan zaio; Mendekoste aitzineko asteetan inguruko herrietatik beilan joaten dira Orreagara eta Ama Birjinaren iturrian edaten dute. Kondairak dioenez, Andre Maria luzaz galdurik egon zen, mairuen beldurrez ezkutatu baitzuten.

Orta

0
Neska
Toponimoa da: Ez

Lizarrako (N) monasterioa, lehen Andre Mariari eskainirik zegoena, gaur egun San Benitorena bada ere. Ortaren aurreneko aipamena 1276. urtekoa da.

Orti

0
Mutila
Toponimoa da: Ez

Latineko Fortunius (Fortuna teonimotik) izenaren euskal aldaera, erdarazko Fortun, Fortuin, Fortuño eta Ortuño-ren kidea. Dokumentazioan frankotan agertzen zaigu; lehendabiziko lekukotasuna Leirekoa da, 1043koa (Orti Ortiz).

Ortixa

0
Neska
Toponimoa da: Ez

Orti euskal izenaren Erdi Aroko baliokide femeninoa. Naxurietan (N) agertzen da, 1230ean (Ortissa de Enassurieta).

Ortzadar

0
Mutila
Toponimoa da: Ez

Zeruan sortzen den uztai koloretsua, eguzkiak argia eurian islatzen duenean. Sineste askoren iturri izan da mitologiako izen hau. Adibidez, ekaitza dagoenean Ortzadar-en babesa eskatzen da. Ostadar honen aldaera da.

Ortzi

0
Mutila
Toponimoa da: Ez

Urtzi izenaren aldaera. 

Osaba

0
Mutila
Toponimoa da: Ez

Ahaidegoa adierazten duen izen arrunta eta Erdi Aroko antroponimoa. Ziortzako (B) kolegiatak zituen saroien zerrendan agertzen da, 1398an.

Osabaritz

0
Mutila
Toponimoa da: Ez

Erdi Aroko izena. Lehenengo aldiz 938an aurkitu dugu (Ossauariç).

Osana

0
Neska
Toponimoa da: Ez

Gutxienez XVI. mende arte iraun zuen izena. XIV. mendean Bilbon eta Ziortzan (B) azaltzen da, eta 1493an bigarren herri horretan (Osana de Martitegui). Inoiz Ozana (Ozana de Herçilla, Durango, B, 1514) eta Usana (Vsana de Yloro, Ondarroa, B, 1490) aldaerak ere agertzen dira.

Osane

0
Neska
Toponimoa da: Ez

Sabino Aranak eta Koldo Elizaldek argitaratuko Santu Izendegia-n gaztelaniazko Osana-ren eta (Nuestra Señora de losRemedios-en baliokidetzat ematen den izena. Jaieguna apirilaren 27an da.

Oskarbi

0
Mutila
Toponimoa da: Ez

Zeru garbia, hodeirik gabea adierazten du hitz honek. Osagaiak ortzi (ikus Urtzi) eta garbi dira.

Oskax

0
Mutila
Toponimoa da: Bai

Zuberoa eta Nafarroa Beherearen artean dagoen mendatea, frantsesez Osquich.

Oskia

0
Neska
Toponimoa da: Bai

Atondo herriko Andre Mariaren baseliza eta mendia (Itza zendea, N). Herriaren izenak dioen bezala (Ataondo behinola, ate eta ondotik) Arakil eta Iruñerriaren arteko atean, harratean dago 1570ean eraikitzen hasi zen baseliza hau, antzinako Oskiartea-n edo Oskiatea-n (cf. honen aurkez dagoen Axitarte 'Dos Hermanas').

Oskillaso

0
Mutila
Toponimoa da: Ez

Basoetan bizi den hegazti koloretsua (Garrulus glandarius) eta J. Basterretxea (Gernika, 1911 - Iruñea, 1996) idazlearen ezizena.

Ostaixka

0
Neska
Toponimoa da: Ez

Euskal Herriko bazter guztietan aurki daitekeen lore ttiki baina alaia da, beste toki batzuetan bitxilore edo butxi deitua.

Osteritz

0
Neska
Toponimoa da: Bai

Esteribarko (N) herria eta Arrosarioko Andre Mariaren adbokazioa. Erdi Aroan Ama Birjinaren monasterioa izan zen bertan.

Ostertz

0
Mutila
Toponimoa da: Ez

Hitz arrunta ('zeruertza, zerumuga'), azken urteotan ponte izentzat erabili dena.

Otadia

0
Neska
Toponimoa da: Ez

Kristo Santuaren baseliza, Altsasukoa (N). Jaia maiatzaren 3aren ondorengo igandean eta irailaren 14an ospatzen da.

Otaño

0
Mutila
Toponimoa da: Ez

P. M. Otaño Barriola (Zizurkil, 1857 - Argentina, 1910) idazlea eta bertsolaria izan zen.

Otatza

0
Neska
Toponimoa da: Bai

Barrundia (A) udalerriko behinolako herria eta Andre Mariaren adbokazioa. XIII. mendean inguruko beste herriak baino handiagoa bazen ere, XIX.ean hiru etxe eta Ama Birjinaren eliza besterik ez zeuden bertan, eta gaur egun hutsik eta hondaturik dago. Maturaren aurkezean zegoen, Zadorraz haraindian.

Orriak