Aurkitu zure izena

Primary tabs

Alba

0
Neska
Toponimoa da: Bai

Izen honek bi iturri izan ditzake: latineko alba 'zuria' izenondoa eta Europako toponimian bizirik dirauen hitza, 'muinoa', 'mendia' eta hedaduraz 'gaztelua' adierak bide dituena. Baztan ibarrean (N), esaterako, bada Alba deritzan mendia; Erromatarren garaian bazen Alba izeneko hiria, Arabako Lautadan.

Albaina

0
Neska
Toponimoa da: Ez

Andre Mariaren baseliza, Uda / Trebiñoko Albainan, Granado zeritzan herriko eliza izan zena. XIII. mendeko eraikuntza erromanikoa da. Inguruetan, Saratxon, badira Goiz Erdi Aroan zulatutako hartzuloak. Maiatzaren lehenengo asteburuan egiten da jaia.

Albane

0
Neska
Toponimoa da: Ez

Sabino Aranak eta Koldo Elizaldek argitaratuko Santu Izendegia-n gaztelaniazko Albano-ren baliokide femeninotzat ematen da. Erdarazko forma 'Alba Longa hirikoa' esanahia zuen Albanus latineko gentiliziotik dator. San Albano Ingalaterrako lehenengo martiria izan zen.

Albar

0
Mutila
Toponimoa da: Ez

Erdi Aroko izena, Euskal Herrian franko erabilia. XI. mendean agertzen da Valpuestako kartularioan, esaterako. Beranduago ere azaltzen da, leku anitzetan: 1333an Lizarran (N), 1352an Gasteizen eta 1470an Bilbon. Sabino Aranak eta Koldo Elizaldek argitaratuko Santu Izendegia-n Alvaro-ren baliokidetzat ematen da izen hau.

Albeiz

0
Neska
Toponimoa da: Bai

Altzainia mendikateko tontorra eta Andre Mariaren adbokazioa, Albeizkoa (A). Herriko elizan Orrao ermitako irudia gordetzen da. Autore batzuen ustez Albeiz da erromatarren garaiko Alba herria. Andre Mariaren baselizan aipatutako garai horretako hilarri batzuk agertu ziren.

Albi

0
Mutila
Toponimoa da: Ez

Aralarko aurkintza eta arima gaitzetsiak, haize nahasiz eta zurrunbilo handiz, beren azken egoitzan sartzen diren haitzuloa. Bertan 1915ean T. Arantzadik eta F. Antsoleagak aurkituriko trikuharria dago. Erdi Aroan antroponimoa izan bide zen.

Albia

0
Neska
Toponimoa da: Ez

Aralarko dermioa eta haitzuloa. Bertan 1915ean T. Arantzadik eta F. Antsoleagak aurkituriko trikuharria dago. Bilbon ere bada Albia izeneko auzoa, antzinako Abando udalerrian. Ezaguna da S. Arana Goiriren sorlekua izateagatik.

Albiñe

0
Neska
Toponimoa da: Ez

Sabino Aranak eta Koldo Elizaldek argitaratuko Santu Izendegia-n gaztelaniazko Albino izenaren baliokide femeninotzat ematen da. Erdarazko forma albinus-etik atera da eta hau albus 'zuritik'. Euskal izen zaharretan honen kidea den Zuria dugu.

Albira

0
Neska
Toponimoa da: Ez

Nafarroan Erdi Aroan erabiltzen zen Elbira izenaren aldaera arrunta. 1136an Antsoainen (N) agertzen da, 1235ean Garesen (N) eta 1311n Erriberrin (N).

Albisu

0
Neska
Toponimoa da: Ez

Andre Mariaren ermita, Orozkon (B). Bertako semea bide zen 1353an, banderizoen garaiko gerretan, Bilbon bakea sinatu zutenetako bat.

Albiz

0
Mutila
Toponimoa da: Ez

Erdi Aroko izena. XV. mendean Markinan (B) eta Astegietan (A) agertzen da, azken honetan -s-z (Alvis de Legarda).

Albiztur

0
Neska
Toponimoa da: Bai

Gipuzkoako herria eta Andre Mariaren adbokazioa. Ezagutzen dugun herri honen lehenengo aipamena 1384. urtekoa da, Tolosarekin elkartu zen garaikoa. Eliza 1674 berreraikitzen hasi ziren, aurrekoa txikiegia baitzen. 1587an Grazia Goikoetxeak erromesentzako ospitalea sortu zuen bertan.

Albizua

0
Neska
Toponimoa da: Ez

Andre Mariaren antzinako baseliza, Agurainen (A). Izatez Albizua herri hustuko eliza zen. Baselizaren azkeneko aipamenak XVII. mendekoak dira.

Alda

0
Neska
Toponimoa da: Bai

Harana ibarreko (A) herria.

Aldaia

0
Neska
Toponimoa da: Bai

Barrundiko (A) eta Leintz ibarreko (G) tontorra (790 m).

Aldaxur

0
Mutila
Toponimoa da: Bai

Adoain eta Aietxu (N) herrien ondoko mendia (1.189 m). Gailurrean burdinazko gurutzea dago.

Aldontza

0
Neska
Toponimoa da: Ez

Erdi Aroko izena. Araban 1175ean agertzen da, Nafarroan 1461ean eta Gipuzkoan 1532an.

Alegia

0
Neska
Toponimoa da: Bai

Gipuzkoako herria eta Magdalenako baseliza, Itsason (G), ondoan gurutzea eta urkamendia dituena. Herria 1392an agertzen da lehenbizikoz, Tolosarekin bat egitean.

Alegria

0
Neska
Toponimoa da: Ez

Andre Mariaren baseliza, Antezanan (A). Eraikuntza oso xumea bada ere, Ama Birjinaren irudia erromanikoa da. Jaiak maiatzean eta irailean egiten dira.

Alesander

0
Mutila
Toponimoa da: Ez

Sabino Aranak eta Koldo Elizaldek argitaratuko Santu Izendegia-n proposaturiko izena. 

Orriak