Nafarroako herri baten, ibar baten (Erroibar) eta bertatik igarotzen den ugaldearen izena. Antzina batzarrak Arriurdina zeritzan aurkintzan egiten ziren, beranduago Laurentxi etxera aldatu baziren ere, egungo herriko etxera. 1512an gaztelarrek erresuma zaharra berenganatu zutenean Erroibar nafar erregearen alde agertu zen, eta armak hartu, Aezkoa, Erronkari eta Zaraitzurekin batean.